गजुरी गाउँपालिका स्थित मलेखुमा ट्रकको ठक्करबाट २ जना विद्यार्थीको मृत्यु भएको छ । काठमाण्डौबाट चितवन तर्फ गईरहेको प्रदेश नम्बर २–००१ ख ६४१३ नम्बरको ठक्करबाट ट्युशन पढ्न हिडेका २ जना विद्यार्थीको घट्ना स्थलमै मृत्यु भएको हो । मृत्युहुनेमा निर्मल श्रेष्ठ र सन्जीव श्रेष्ठ रहेको जिल्ला प्रहरी कार्यालय धादिङले जनाएको छ । ट्रक चालक रौतहट चपुर–२ बस्ने २१ बर्षिय अशोक बम्जनलाई नियन्त्रणमा लिई अनुसन्धान भईरहेको प्रहरीले जानकारी दिएको छ । ट्युशन पढ्न हिडेका विद्यार्थीको ट्रकको ठक्करबाट मृत्यु भएपछि मृतका आफन्ता र स्थानीय बासिन्दाले पृथ्वीराजमार्ग पुर्ण रुपमा बन्द गराएका छन् ।